Gulbarga North ki Congress ticket par 7 logo ki davedari, 28 March k Bad Candidate ka Elan?? Mustafa Baba bhi race me Shamil.

Halqa assembly Gulbarga shumal se congress ticket ke husool ke liye 7 Applications
Junoobi halqa se bhi congress ticket ke kayi daawa daar

Gulbarga 12 March : Halqa Assembly Gulbarga shumal se assembly intikhabaat mein ba-hasiat Indian National Congress ka umeed waar ban’nay ke liye jin Congress qaideen ne darkhwast form Dakhil kiye hain un mein Alhaj Qamar al – Islam ke Bhatije Najam salam Ahmar , Alhaj Qamar salam ke Farzand Faraz -ul- Islam aur Alhaj Qamar-ul-Islam ki ahliya mohtarma Kaneez Fatima ke ilawa deegar Umeedwaron mein Dr Md Asghar Chulbul Chairman KUDA, Alhaj Ilyas Saith Bagbaan,Chairman NEKRTC , Abdul Jabbar Gola Advocate shaamil hain.

 

Halqa Assembly Gulbarga junoob se congress ke ticket par election ladne keliye ex-MLC Allamprabhu Patil, Mayor Gulbarga Sharan Kumar Moodi. Santosh Patil ZP member, Dilip Patil ZP member, Santosh Patil Dudhni k naam aage aaye hain.

Gulbarga Rural se Vijay Ram Krishna , Shyam Natekar aur deegar ne darkhwast form haasil kiye hain.

Maloom hua hai ke qatee tareekh ke ekhtataam ke baad un application forms ki jaanch padtaal hogi aur jin umeedwaron ne congress tickets ke liye application di hain un ke naamon ka elaan kya jayega. baad aza reyasti congress ki intikhabi Screening committee aur congress high kamaan umeedwaron ke naamon ko qatiat degi.

Halqa assembly Gulbarga junoob ke mojooda MLA Dattatreya Patil revoor hain aur is halqa se un ke dobarah BJP umeed waar ban’nay ke imkanaat yaqeeni hain.
Halqa assembly Gulbarga shumal ke  SDPI Candidate ki haisiyat se maroof samaji qidmat guzar , Md Mohsin ke naam ko qatiat di gayi hai, JanataDal Secular ke umeed waar ki Haisiyat se Nasir Hussain Ustaad ke naam ko pehlay hi qatiat day di gayi hai. Is halqa se MIM ke umeed waar ki haesiyat se adv Wahaj Baba ke naam ko bhi qatiat dedi gayi hai.

Halqa assembly Gulbarga shumal se Indian Union muslim league, Indian Union muslim league Secular aur Indian national league ne bhi apna umeed waar khara karne ka elaan kya hai. halqa assembly Gulbarga junoob se Janata Dal Secular ke umeed waar ki hesiyat se Basvaraj Diggavi, MIM ke umeed waar ki hesiyat se Qaazi Rizwan al-Rehman Siddiqui Mashhood ke naam samnay aye hain. Isi halqa assembly Gulbarga Shumal se mumtaz maahir taleem, o samaji khidmat guzaar professor Saeed Ahmed mujadadi ne bhi azad umeed waar ki haesiyat se apna parcha namzadgi daakhil karne ka iradah zahir kya hai.

Halqa assembly Gulbarga junoob se bhi Indian Union muslim league, Indian Union Muslim league Secular aur Indian National league ne bhi –apne umeed waar khaday karne ka elaan kya hai.

halqa assembly Gulbarga shumal se congress ke ticket par Dr Syed Mustafa Hussaini Farzand Asghar Hazrat Syed Shah Gesudaraaz Khusru Hussaini sahib qibla Sajjada nasheen Dargaah hazrat Khwaja BandaNawaz umeed waar bananay ke liye aik forum ki janib se tajweez paish ki gayi thi aur Dr Mustafa Hussaini sahib ko umeed waar bananay ki par zor sifarish bhi gayi thi. taaza tareen it-tila-aat ke mutabiq Hazrat Syed Shah Gesudaraaz Khusru Hussaini sahib qibla Sajjada nasheen Dargaah hazrat Khwaja BandaNawaz ke Farzand asghar Dr Syed Mustafa Hussaini ne Bangalore mein –apne supporters ke sath halqa assembly Gulbarga se congress party ke ticket ke husool ke liye apni darkhwast daakhil kar di hai.

Halqa assembly Gulbarga shumal se is terha congress ticket ke husool ke liye 7 ummidwar koshish kar rahay hain. wazeh rahay ke halqa assembly Gulbarga shumal se sabiq wazeer Karnataka alhaj Qamar -ul- Islam kayi baar Rukn assembly (MLA) muntakhib hue they. Ab unke Intqaal ke baad is halqa se intikhab ladne ke liye congress party ke ilawa deegar siyasi jamaaton se bhi kayi muslim umeed waar maidan mein utrney ke khwahishmand hain. is halqa ke musalman agar muttahid nah hosakay to nateeja BJP ke haq mein jana yakeeni hai. mukhtalif muslim leader aur humdardan e millat musalmanoon ko jodnay aur un ke voton ko muntashir honay se bachanay ki koshish kar rahay hain .

Tehreer : Hakim Shakir Sahab, Roman tarjuma: Talha Hussain Gulbargavi.

 

Comments
Facebooktwittergoogle_plusredditpinterestlinkedinmail

Leave a Reply

Facebook