Aakhirkaar Band hojayga Moti wine shop? Ilaqe ki awaam me khushi ki lehr.

Pichle 30 saalon se Dargah k zaaerin aur Ahliyan Muhalla ki naak me sharabiyo ne Dam kar rakha tha. Iske sabse badi wajah Naya Mohalla k Kinare par maujud Moti wine shop thi.  Jiske khilaf Ahliyan Muhalla kayi daho se lad rahe the.  Mohalle k Musalmano ki maane toh ek Muslim mohalle me is tarah ki wine shop aur hud’dangi sharabiyo ki maujudgi sharm ki baais hai.

Lekin ab surat e haal badalne ko hai, Mumtaz Samaji Karkun Advocate Mazhar Hussain sahab ki mane toh is wine shop ki maujudgi ke sare qanuni zaraiy khatam hochuke hain aur jald hi isko band kiya jasakta hai. Facebook par ek lambi tehreer me Mazhar Hussain sahab ne ilaqe k awam ki mehnat ko saraha hai aur khabar di hai ke yeh wine shop 20 January ko KAT tribunal me muqadma ka faisla aane k bad hi band honi thi lekin nahi hui, jiske bad musalsal koshish I gayi, aur aaj jab excuse officer se baat ki gayi toh unhu ne isko aaj Shaam -10.30 tak band karne ka tayaqqun diya hai.

Is qanuni wa Samaji ladai ki qayadat pichle 7 saal se Mazhar Hussain Advocate k zimme rahi hai. Unhu ne apne facebook page par likha hai ke ”

“Moti Wine Shop 30 saal ke baad Bandh Hoga”

Moti Wine Shop Darga Road, Pakeeza Complex pe pichle kayee saalo se zayarin aur muqami awaam ko kafi dushwariyon ka samna karna pad raha tha aur isko bandh karwane ke liye hum ne pichle 7 saalon se Mahkume Excise ke khilaaf kafi ehtejaj kiye aur khanooni jadujahed bhi, Allhamdullilah Har Jagah hamari hi kamyabi rahi.”

Moti Wine Shop ke licencee ne jitne appeal court ke samne dakhil kiye un sab mai hamko kamyabi lagatar milti gayee….Akhir kar Licencee ko dusra raasta nahi tha siwaye shift karne ke….

20/1/2016 KAT tribunal appeal No.537/2014 mai hum ko jeet hasil hone ke baad Moti Wine Ko band kar dena chahiye tha lekin band nahi kiya gaya, maine aaj excise Inspector Abdul Kareem se baat ki unhone kaha ke aaj raat 10:30 tak Moti Wine Shop Ko Band karenge.

FB_IMG_1467305480202
Advocate Mazhar Hussain, jinhone is agitation ki Qiyadat me sargarm role ada kiya

Unki is khabar se ilaqe ki awaam me khushi ki lehr daud gayi hai. Facebook par hi (jahan yeh khabar di gayi hai) kayi logo ne like aur comment karke apni khushi ka Izhar aur Advocate  Mazhar Hussain k liye tarifi kalmat aur nek khwahishat ka izhaar kiya.

Wahin aasmaan se Gira khajur me Atka ka misdaq, Moti wine shop ki Behmani Chowk par shift hone ki khabar ne bhi bechaini phaela di hai, jiske bare me Ehtejaj k Taluq se kayi meetings is ilaqe me mukhtalif Samaji wa siyasi Karkun kar chuke hai.

Pichle 30saal ki Musibat, aur  7 saal ki ladai ka yeh Oont ab kis Karwat baithega, yeh aainda dino me Saaf hojayga.

Comments
Facebooktwittergoogle_plusredditpinterestlinkedinmail

Leave a Reply

Facebook